سٹی42:  بھارت نے  پاکستانی دریاؤں کا پانی روکنے کیلئے کوئی سٹرکچر بنایا تو  ہم اسے تباہ کردیں گے، پاکستان نے خبردار کردیا۔
وزیر دفاع خواجہ آصف نے  وارننگ دی ہے کہ بھارت نے  پاکستانی دریاؤں کا پانی روکنے کے لیے کوئی اسٹرکچر  (بند، ڈیم یا کچھ بھی) بنایا تو اسے تباہ کردیں گے۔

ایک نیوز چینل کے اینکر سے گفتگو کرتے ہوئے وزیر دفاع خواجہ آصف نے واضح کیا کہ سندھ طاس معاہدے کی خلاف ورزی آسان نہیں، یہ پاکستان کے خلاف اعلان جنگ ہوگا، معاہدے کی خلاف ورزی کی گئی تو پاکستان اس اسٹرکچر پر حملہ کردے گا۔

خواجہ آصف نے کہا کہ بھارت نے پہلگام واقعے سے متعلق کوئی ثبوت اب تک نہیں دیا، بھارت اب اپنے ہی بیانیے کا مغوی بن چکا ہے۔

وزیر دفاع نے  کہا کہ امریکی نائب صدر نے بھارت کے لیے "فیس سیونگ کی گنجائش" رکھی ہے، بھارت نے "فیس سیونگ" کے لیے کوئی حرکت کی تو اس کے منہ پر ہم کالک مل دیں گے۔