ویب ڈیسک : سابق وزیر اعلیٰ پنجاب حمزہ شہباز شریف سےمسلم لیگ ن کے سینئر رہنما زبیر سرور شیخ کی لاہور کے علاقے 180 ماڈل ٹاؤن میں اہم ملاقات ہوئی جس میں عوامی مسائل کے حوالے سے تبادلہ خیال کیا گیا۔

 مسلم لیگ ن کے سینئر رہنما زبیر سرور شیخ نےملاقات میں حمزہ شہباز شریف کو حلقہ 118 میں در پیش مسائل اور ووٹرز لسٹوں میں ردو بدل سے پریشان عوام کی حق تلفی بارے آگاہ کیا،اس موقع پر سابق وزیر اعلیٰ پنجاب نے کہا کہ سابق حکومت کی کارستانیوں کی وجہ سے مسائل کافی حد تک بڑھ گئے ہیں، تمام یونین کونسل کے چیئرمین اور وائس چیئرمین کی ذمہ داری ہے کہ وہ  اپنے اپنے حلقہ میں غلط ووٹ کے اندراج کی نشان دہی کریں۔

اس موقع پر ندیم ڈار ، احمد ناجی بٹ ، حسن شیخ، وحید بٹ ، نظر شاہ  بھی موجود تھے۔

 ن لیگ کے رہنما  زبیر سرور شیخ نے کہا کہ ن لیگ کی قیادت نے ہمیشہ پاکستان کی ترقی اور بہتری کے لئے کام کیا ہے، چاہے وہ سڑکوں کی تعمیر ہو، توانائی کے شعبے کی ترقی ہو یا عوامی خدمات کی بہتری ہو۔ ان کی حکومت میں عوام کی زندگی میں بہتری کے لئے کام کیا گیا ہے، مسلم لیگ ن کی قیادت نے ہمیشہ عوام کی خدمت کو اپنی اول تر ترجیحات میں رکھا ہے اور ان کی کوشش ہے کہ پاکستان کو ایک بہتر مستقبل کی طرف لے جائیں۔