ملک اشرف: دو سابق اراکین اسمبلی کی نااہلی کے خلاف دائر انٹرا کورٹ اپیلوں پر آج سماعت ہوگی۔

ذرائع کے مطابق اپیل کنندگان میں ملک احمد خان بھچر اور محمد احمد چٹھہ شامل ہیں۔

ذرائع کا  کہنا ہے کہ لاہور ہائیکورٹ کے جسٹس چوہدری محمد اقبال کی سربراہی میں دو رکنی بینچ کیس کی سماعت کرے گا۔

واضح رہے کہ  ملک احمد خان بھچر کو پی پی 87 میانوالی جبکہ محمد احمد چٹھہ کو این اے 66 وزیر آباد سے نااہل قرار دیا گیا تھا۔

تفصیلات کے مطابق اپیل کنندگان نے مؤقف اختیار کیا ہے کہ الیکشن کمیشن آف پاکستان نے انسداد دہشت گردی عدالت کی سزا کے بعد انہیں مؤقف سنے بغیر نااہل کیا، جو کہ قانونی تقاضوں کے خلاف ہے۔

مزید برآں،درخواست میں استدعا کی گئی ہے کہ سنگل بینچ کے درخواستیں خارج کرنے کے فیصلے کو کالعدم قرار دیا جائے۔