سٹی 42 : انسپکٹر جنرل سندھ پولیس غلام نبی میمن نے کہا ہے کہ اب بغیر ڈرائیونگ لائسنس موٹر سائیکل چلانے پر 20 ہزار، کار پر 30ہزار اور ہیوی وہیکل پر50 ہزار روپے کا چالان ہو گا۔

 کراچی میں تقریب سے خطاب کرتے ہوئے آئی جی سندھ نے بغیر ڈرائیونگ لائسنس پر ہونے والے چالان کی تفصیلات سے آگاہ کیا۔ انہوں نے بتایا کہ ہم بغیر ڈرائیورنگ لائسنس کے چالان کو ایک لاکھ تک لے جانے والے تھے لیکن سندھ حکومت نے اتنے زیادہ چالان سےمنع کیا۔ آئی جی سندھ نے کہا کہ اب بغیر ڈرائیونگ لائسنس موٹر سائیکل چلانے پر 20 ہزار روپے کا چالان ہو گا، کار پر 30ہزار اور ہیوی وہیکل پر50 ہزار چالان ہو گا۔

آئی جی سندھ نے واضح کیا کہ جب تک ڈرائیونگ لائسنس کو بہتر نہیں کریں گے ٹریفک کا نظام بہتر نہیں ہو سکتا، 3لاکھ لوگوں نے آن لائن ڈرائیونگ لائسنس حاصل کئے ہیں۔