سٹی 42: وزیر اعظم کے جاپان اور انڈونیشیا کے دورے ملتوی ہو گئے ۔

سفارتی ذرائع  کے مطابق وزیرِاعظم شہباز شریف نے 7 تا 9 اکتوبر جاپان کا دورہ کرنا تھا,یہ کسی بھی پاکستانی وزیرِ اعظم کا 20 سال بعد جاپان کا دورہ ہونا تھا.

وزیر اعظم کا دورہ جاپان وہاں وزیر اعظم کی تبدیلی و حلف برداری کی وجہ سے ملتوی ہوا ہے,دورہ دونوں حکومتوں کی باہمی رضامندی سے ملتوی کیا گیا ہے.

وزیر اعظم کا دورہ انڈونیشیا بھی ملتوی کیا گیا ہے,وزیر اعظم نے 4 اور 5 اکتوبر کو انڈونیشیا کا دورہ کرنا تھا.

تاہم وزیر اعظم شہباز شریف کا دورہ ملائشیا ابھی تک معمول کے مطابق شیڈیول ہے۔وزیر اعظم 5 سے 7 اکتوبر تک ملائشیا کا دورہ کریں گے.

وہ ملائشیائی وزیر اعظم انور ابراہیم کی دعوت پر ملائشیا کا دورہ کر رہے ہیں۔