سٹی42: سوات ضلع میں انتظامیہ نے شدید برف باری کے باعث بالائی علاقوں میں 100 کے قریب سکول 9 مارچ تک بند کردیئے ہیں۔ 

 ڈپٹی کمشنر سوات نے ایک سرکلر جاری کیا ہے جس کے مطابق  اشو و اور دیگر علاقوں میں برف باری کی وجہ سے سرکاری سکول  9 مارچ تک بند رہیں گے ۔

 سکولوں کی بندش کا فیصلہ شدید بارشوں اور برف باری کے باعث کیا گیا۔برف باری کے وجہ سے سردی اچانک بڑھ جانے اور راستے بند ہونے سے اساتذہ اور طلبا و طالبات کو تعلیمی اداروں تک پہنچنے، پڑھائی اور واپسی کے دوران مشکلات کا سامنا ہے ۔