سٹی 42 : قانون کے شعبہ سے تعلق رکھنے والوں کیلئے ای کورس متعارف کرادیا گیا ۔ 

چیف جسٹس پاکستان یحییٰ آفریدی نے ای کورس 2026 کا افتتاح کیا، تقریب میں جسٹس میاں گل حسن سمیت مختلف بار کونسلز کے نمائندگان شریک ہوئے. 

اعلامیہ کے مطابق ای کورس فیڈرل جوڈیشل اکیڈمی اور پاکستان بار کا مشترکہ اقدام ہے. ای کورس کا مقصد نظام انصاف میں بہتری اور جدت لانا ہے. ای کورس 10 ماڈیولز اور 40 کریڈٹ گھنٹے پر مشتمل آن لائن کورس ہے۔ 

چیف جسٹس پاکستان نے کہا کہ ای کورس کا مقصد نئے وکلا کی بہتر تربیت کرنا ہے، عدالتی اصلاحات میں جدید ٹیکنالوجی کا استعمال اولین ترجیح ہے ۔