عبدالقیوم وزیر: لکی مروت میں واقعہ لونگ خیل سڑک پر گل باز دھقان کے قریب نامعلوم مسلح افراد نے فائرنگ کر کے اہلکار اسرائیل اور ثناء اللہ کو موقع پر ہی شہید کر دیا۔
تفصیلات کے مطابق لونگ خیل روڈ، گل باز دھقان کے قریب ٹریفک پولیس اہلکار اسرائیل اور ثناء اللہ دونوں اہلکار موٹرسائیکل پر ڈیوٹی کیلئے تاجہ زئی اڈہ جا رہے تھے جہاں مسلح افراد نے فائرنگ کی۔ مسلح حملہ آور ان کا سرکاری اسلحہ بھی ساتھ لے گئے
پولیس کے مطابق حملہ آوروں کی تلاش کیلئے علاقے میں سرچ آپریشن شروع کر دیا گیا ہے اور مقدمہ درج کرکے تفتیش جاری ہے۔
یاد رہے کہ لکی مروت میں حالیہ مہینوں کے دوران سیکیورٹی اہلکاروں کو مسلسل نشانہ بنایا جا رہا ہے جس پر عوامی حلقوں نے گہری تشویش کا اظہار کیا ہے۔ شہداء کی لاشیں ہسپتال منتقل کر دی گئی ہیں جبکہ سیکیورٹی ہائی الرٹ کر دی گئی ہے۔