(حسن خالد)مانگا منڈی میں ڈکیتی کی بڑی واردات پیش آئی،5 نامعلوم ڈاکو اشرف نامی شہری کے گھر گھس کر اہلخانہ کو یرغمال بنا کر لوٹ مار کرتے رہے۔پولیس نے شواہد اکٹھے کر کے کارروائی کا آغاز کردیا.
مانگا منڈی رشید ٹاون میں پانچ مسلح ڈاکوؤں نے اہلخانہ کو اسلحے کی نوک پر یرغمال بنا کر 25 لاکھ روپے نقدی 16 تولے طلائی زیوارات لوٹ لیے۔موٹر سائیکل سوار نامعلوم ڈاکو شہری اشرف کے گھر سے 3 موبائل فون اور قیمتی سامان بھی لے اڑے۔
اطلاع ملنے پر پولیس اور فرانزک ٹیموں نے شواہد اکٹھے کرکے قانونی کارروائی کا آغاز کردیا۔پولیس کے مطابق نامعلوم ڈاکوؤں کے خلاف مقدمہ درج کرلیا گیا ہے۔