ویب ڈیسک: لاہور کے علاقے فیکٹری ایریا میں شادی سے انکار پر تیزاب گردی کا نشانہ بننے والی 36 سالہ ثنا 17 روز تک زندگی اور موت کی کشمکش میں رہنے کے بعد جناح اسپتال میں دم توڑ گئی۔

خاتون پر مبینہ طور پر محلے دار خالد نے تیزاب پھینکا تھا جس سے وہ بری طرح جھلس گئی تھیں پولیس کے مطابق واقعے کے دوران ملزم خالد بھی تیزاب سے زخمی ہوا تھا، تاہم اسے گرفتار کر لیا گیا ہے۔

پولیس حکام کا کہنا ہے کہ  خاتون کی موت کے بعد مقدمے میں قتل کی دفعات بھی شامل کی جائیں گی اور قانونی کارروائی اسی تناظر میں آگے بڑھائی جائے گی۔