(ویب ڈیسک)امریکی ایوان نمائندگان کی سپیکر نینسی پلوسی کےممکنہ دورہ تائیوان پرچین کا سخت رد عمل سامنےآیا ہے۔
ترجمان چینی وزارت خارجہ کا کہنا ہےکہ امریکی کانگریس کی سپیکر نےتائیوان کا دورہ کیا تو چینی فوج ہاتھ پر ہاتھ رکھ کر نہیں بیٹھےگی۔ نینسی پلوسی کےدورۂِ تائیوان کےخوفناک سیاسی اثرات مرتب ہوں گے۔
متعلقہ امریکی حکام کےمطابق پلوسی کےدورہ ایشیا کےدوران انڈوپیسیفک میں باہمی سلامتی، اقتصادی شراکت داری اور جمہوری حکمرانی سمیت اہم امور پرتبادلہ خیال ہوگا۔سرکاری بیان میں نینسی پلوسی کےتائیوان جانےکا ذکرنہیں تھا، تاہم چین کوشبہ ہےکہ پلوسی تائیوان کا دورہ بھی کرےگی۔
واضح رہےکہ امریکی ایوان نمائندگان کی سپیکر دورہ ایشیا کےپہلےمرحلےمیں سنگاپور پہنچی ہیں جبکہ وہ جنوبی کوریا، جاپان اورملائیشیا بھی جائیں گی۔