(ویب ڈیسک)مسلم لیگ ن کے رہنما احسن اقبال کا کورونا ٹیسٹ دوبارہ مثبت آ گیا جس کے بعد لیگی رہنمانے خود کو قرنطینہ کر لیا ہے۔
سماجی رابطے کی ویب سائٹ ٹوئٹر پر اپنے ٹوئٹ میں احسن اقبال نے بتایا کہ مجھے کورونا کی دوبارہ تشخیص ہوئی، میں نے آئسولیشن اختیار کرلی ہے، سب سے درخواست ہے کہ میری جلد صحت یابی کیلئے اپنی دعائوں میں یاد رکھیں۔
مجھے کوویڈ کی دوبارہ تشخیص ہوئی ہے- میں نے قرنطینہ اختیار کر لیا ہے-تمام دوستوں، احباب اور بالخصوص اہلیان نارووال سے درخواست ہے کہ میری جلد صحتیابی کے اپنی دعاؤوں میں مجھے یاد رکھیں!
— Ahsan Iqbal (@betterpakistan) July 31, 2021
ماسک پہنیں اور کرونا کے خلاف ایس او پیز پہ عمل کریں!
دوسری جانب اپوزیشن لیڈر و مسلم لیگ ن کے صدر شہباز شریف نے احسن اقبال کی جلد صحت یابی کی دعا کی ہے۔یاد رہے کہ چند روز قبل مسلم لیگ ن کی مرکزی نائب صدر مریم نواز بھی کورونا سے متاثر ہو گئی تھیں۔