(احمد منصور) خیبر پختونخوا میں سکیورٹی فورسز نے بھارتی پراکسی فتنہ الخوارج کے دہشتگردوں کے خلاف دو مختلف آپریشنز کیے، جن میں 13 خوارج جہنم واصل ہوگئے۔

 آئی ایس پی آر کے مطابق ضلع خیبر کے علاقے باڑہ میں ایک انٹیلی جنس بیسڈ آپریشن کے دوران شدید فائرنگ کے تبادلے میں 10 دہشتگرد ہلاک ہوئے، جبکہ سکیورٹی فورسز نے دہشتگردوں کے ٹھکانوں کو بھی تباہ کردیا۔

 اسی طرح بنوں میں دوسرا آپریشن کیا گیا جس میں مزید 3 خوارج انجام کو پہنچائے گئے، علاقائی سطح پر خوارج کے خلاف کلیئرنس آپریشن بھی جاری ہے۔

 آئی ایس پی آر کے بیان کے مطابق یہ کارروائیاں "عزمِ استحکام" کے تحت انسداد دہشتگردی مہم کا حصہ ہیں اور سکیورٹی فورسز ملک سے بیرونی سرپرستی یافتہ دہشتگردی کے خاتمے کے لیے پرعزم ہیں۔