(سٹی 42) اسٹاک مارکیٹ میں سال 2025 سرمایہ کاروں کے لیے فائدہ مند اور اعتماد کا سال ثابت ہوا ۔تاریخ ساز ریکارڈز کے باعث سرمایہ کاروں کی موجیں لگ گئیں۔ اسٹاک مارکیٹ نے جنوری 2025 سے دسمبر تک 55 فیصد منافع فراہم کیا ۔ایک سال میں 60 ہزار 106 پوائنٹس کا اضافہ ریکارڈ ہوا ۔سرمایہ کاری کرنے والوں کی تعداد میں غیر معمولی اضافہ ہوا۔
تفصیلات کے مطابق ہنڈریڈ انڈیکس کی بلند ترین سطح 1 لاکھ 75 ہزار 232 کی بلند سطح تک گیا ،سال 2024 میں ہنڈریڈ انڈیکس میں 52 ہزار 675 پوائنٹس کا اضافہ ہوا تھا سال 2024 کا اختتام 1 لاکھ 15 ہزار 126 کی سطح پر ہوا تھا ۔سرمایہ کاری کرنے والوں کی تعداد میں غیر معمولی اضافہ ہوا۔ اسٹاک مارکیٹ میں تقریباً ڈیڑھ لاکھ نئے ٹرینڈنگ اکاؤنٹ کھلے ۔یوں اس کی تعداد سال 2025 میں پہلی بار سرمایہ کاری کرنے والوں کی تعداد 4 لاکھ 50 ہزار سے ہوگئی۔ سال 2025 میں فی شیئر آمدنی پر منافع کا حصول 6 فیصد سے بڑھ کر 8 فیصد ہوگیا ، اسٹاک مارکیٹ میں مارکیٹ کیپیٹلائزیشن ساڑھے چودہ ہزار ارب روپے سے بڑھ کر ساڑھے انیس ہزار ارب سے تجاوز کر گئی ،مارکیٹ کیپیٹلائزیشن میں پانچ ہزار ارب روپے سے زائد کا اضافہ ہوا ۔
ڈائیریکٹر اسٹاک ایکسچینج احمد چنائے کا کہنا ہے کہ نئے سال پر بھی کامیابیوں کا تسلسل برقرار رہے گا ۔ احمد چنائے کا کہنا ہے کہ سال 2026 پاکستان کی ترقی کا سال ہوگا ۔ اسٹاک مارکیٹ مزید ترقی کرے گی نئے سرمایہ کار بھی ساتھ جڑیں گے ۔ سال 2025 میں 7 لسٹنگ آئیں، امید ہے 2026 میں 12 لسٹنگ آسکتی ہیں ۔
ڈائریکٹر عارف حبیب کارپوریشن احسن محنتی کا کہنا ہے کہ تاریخی سنگِ میل حکومتی اصلاحات اور سرمایہ کاروں کے اعتماد کا مظہر ہے، اسٹاک مارکیٹ کی شاندار کارکردگی سے سرمایہ کاروں کو بھرپور منافع ملا۔