سٹی42: امریکہ کی شمالی ریاست نیویارک میں مسلسل بارشوں نے تباہی مچادی، نیویارک شہر سمیت ریاست کے بیشتر حصوں میں نظام زندگی بری طرح متاثر ہونے کے سبب، سیلابی ریلوں کی وارننگ کے بعد ریاست میں ہنگامی حالت نافذ کردی گئی ہے۔
غیرملکی خبر رساں اداروں کے مطابق ریاست نیو یارک میں مسلسل 5 روز سے جاری بارشوں کے سبب نیویارک شہر کے کئی حصوں میں سیلابی صورتحال ہے، سڑکوں، پلوں پرسیلابی پانی جمع ہوگیا جبکہ میٹرو اسٹیشنز میں بھی سیلابی پانی داخل ہوگیا۔
نیویارک میں جمعہ اور ہفتہ کے روز مزید بارشوں اور اربن فلڈنگ کی وارننگ جاری کی گئی جس کے بعد گورنر نے ریاست میں ایمرجنسی نافذ کرنے کا اعلان کردیا۔
ایک غیرملکی خبر رساں ادارے کے مطابق نیویارک کے جان ایف کینیڈی ائیرپورٹ پر ابھی سے 3 انچ پانی کھڑا ہوگیا ہے، دن کے اختتام تک شہر میں 7 انچ پانی کھڑا ہونے کی پیشگوئی ہے۔
Major flooding in Brooklyn today. Trains shut down and the only way out of the station is through this. pic.twitter.com/yQPLOyc6dX
— Seth Chinnis (@sethchinnis) September 29, 2023