ویب ڈیسک:اسلام قبول کرنے والی معروف امریکی گلوکارہ جینیفر گراؤٹ کی خوبصورت قرآن تلاوت نے دل موہ لیے جس کی ویڈیو سامنے آگئی۔
الجزیرہ کے پروگرام میں قرآنِ مجید کی تلاوت کی، جینیفر گراؤٹ کی پُرسوز آواز اور بہترین تلفظ نے سوشل میڈیا پر دنیا بھر کے لوگوں کو حیران کر دیا ہے، جہاں لاکھوں صارفین نے ان کی تلاوت کو روح پرور اور ایمان افروز قرار دیا۔
امریکی گلوکارہ جینیفر گراؤٹ، جنہوں نے گلوکاری چھوڑ کر اسلام قبول کیا، نے الجزیرہ کے پروگرام میں قرآنِ مجید کی تلاوت کی۔ pic.twitter.com/EuFiPO2NZt
— RTEUrdu (@RTEUrdu) October 29, 2025
جینیفر گراؤٹ نے اسلام قبول کرنے کے بعد عربی زبان سیکھی اور کئی اسلامی تقریبات میں قرآن کی تلاوت کر چکی ہیں۔ ان کا کہنا ہے کہ اسلام نے ان کی زندگی کو نیا سکون اور مقصد عطا کیا۔
گلوکارہ جینیفر گراؤٹ نے چند سال قبل اسلام قبول کر کے گلوکاری کو خیر باد کہہ دیا تھا، جینیفر گراؤٹ نے 2013 میں معروف ٹی وی شو ’عربز گاٹ ٹیلنٹ‘ میں شرکت کی تھی۔
انھوں نے عربی زبان نہ جانتے ہوئے بھی عربی میں ایک گانا گایا جس کے بعد وہ عرب دنیا میں انتہائی مقبول ہوئی تھیں۔ اسی سال انھوں نے اسلام بھی قبول کر لیا تھا۔