سٹی 42: پنجاب اسمبلی میں قائمہ کمیٹی برائے لوکل گورنمنٹ کا اجلاس ہوا،کمیٹی کی دو تجاویز کے ساتھ دی والڈ سٹی آف لاہور(ترمیم) بل 2025 منظور کرلیا گیا
اتھارٹی وائس چیئرمین کی تقرری کا اختیار وزیر اعلیٰ پنجاب کو دینے کی تجویز دی گئی ،بل میں وائس چیئرمین کا عہدہ چیف سیکرٹری کو تفویض کرنے کے احکامات دیے گئے ، اجلاس کے دوران کمیٹی کی سزائیں کم اور جرمانے بڑھانے کی تجویز دی گئی ، کمیٹی منظوری کےبعد بل ایوان میں رائے شماری سے منظور کروایا جائے گا،پیر اشرف رسول نے قائمہ کمیٹی برائے لوکل گورنمنٹ کے اجلاس کی صدارت کی
لاہور تک محدود والڈ سٹی اتھارٹی کا دائرہ کار اب پورے پنجاب میں ہوگا،والڈ سٹی آف لاہور اتھارٹی کا نیا نام پنجاب والڈ سٹیز اینڈ ہیریٹیج ایریاز اتھارٹی ہوگا،اتھارٹی پنجاب کے تمام ورثائی علاقوں، جائیدادوں کے تحفظ کی ذمہ دار ہوگی، پنجاب والڈ سٹیز اتھارٹی بوسیدہ عمارت کو خطرناک قرار دے سکے گی،اتھارٹی کو کسی بھی علاقے کو ثقافتی اہمیت کی بنیاد پر ورثائی زون قرار دینے کا اختیار ہوگا