ویب ڈیسک : حرمین شریفین انتظامیہ نے کہا ہے کہ نمازیوں اور زائرین میں سماجی فاصلے پر عملدر آمد کا آغاز کل جمعرات سے ہوگا۔
رپورٹ کے مطابق مسجد الحرام اور مسجد نبوی میں سماجی فاصلے کے نشان دوبارہ لگائے جارہے ہیں۔ جبکہ ا نتظامیہ کا کہنا ہے کہ مطاف میں سماجی فاصلے کو برقرار رکھنے کے لیے حسب سابق ٹریک بنائے جارہے ہیں۔ جس کے لیے پورے مطاف میں زمین پر نشانات کے سٹیکر لگائے جارہے ہیں۔
انتظامیہ نے کہا ہے کہ اسی طرح مصلوں کی دوبارہ تقسیم ہو رہی ہے تاکہ نمازیوں کے درمیان ڈیڑھ میٹر کا فاصلہ رکھا جائے۔’تمام مصلوں میں بھی سماجی فاصلے پر عمل کرنے کے لیے سٹیکر چسپاں کئے جارہے ہیں۔
انتظامیہ نے کہا ہے کہ تمام زائرین کو ماسک کی پابندی کرنی ہوگی نیز مسجد الحرام میں موجودگی کے دوران سماجی فاصلے کو یقینی بنانا ہوگا۔
News: Social Distancing to resume from tomorrow at the Grand Mosques after the Kingdom of Saudi Arabia reimplement measures to fight the Covid-19 Pandemic pic.twitter.com/ig5lKoZwky
— ???????????????????????????????? (@HaramainInfo) December 29, 2021