سعید احمد سعید:انسپکٹر جنرل پاکستان ریلوے پولیس کیپٹن ریٹائرڈ عارف نواز خان کا ریلوے پولیس ٹریننگ سکول والٹن کا دورہ، آئی جی عارف نواز نے ریلوے پولیس اکیڈمی کی لائبریری، کمپیوٹر لیب اور بلڈنگ کا تفصیلی جائزہ لیا.
حال ہی میں تعینات ہونے والے نئے آئی جی ریلوے پولیس کیپٹن ریٹائرڈ عارف نواز خان نے ریلوے پولیس اکیڈمی والٹن کا دورہ کیا، ڈی آئی جی ہیڈ کوارٹرز اظہر رشید خان نے آئی جی ریلوے پولیس کا استقبال کیا، پرنسپل ریلوے پولیس ٹریننگ سکول سید ابرار عباس نے آئی جی ریلوے پولیس کو ٹریننگ امور کے بارے تفصیلی بریفنگ دی، ریلوےپولیس ٹریننگ سکول کے ہاسٹل، پریڈ گراؤنڈ، میس، کمپیوٹر لیب، کلاس رومز اور لائبریری کا تفصیلی معائنہ کیا گیا.
آئی جی ریلوے پولیس عارف نواز نے ٹریننگ سکول والٹن کے مسائل کو ترجیحی بنیادوں پر حل کرنے کے حوالے سے ہدایات دی، انکا کہنا تھا کہ ریلوے پولیس کے جوانوں کی ٹریننگ معیار کو مزید بہتر بنایا جاۓ گا، ریلوے پولیس کے جوانوں کی کریکٹر بلڈنگ کی طرف خصوصی توجہ دی جائے گی۔ ریلوے ملازمین کی فلاح و بہبود کے لیے ہر ممکن کوشش کریں گئے۔ ریلوے پاکستان کا قدیمی، تاریخی اور معاشی لحاظ سے اہم محکمہ ہے، اور ریلوے کی تنصیبات، دفاتر اور لینڈ کی حفاظت اور مسافروں۔کی سکیورٹی کے لیے ہر قسم کے اقدامات اٹھائیں گئے۔