ویب ڈیسک: اسلام آباد میں جماعت اسلامی کےاحتجاج کے دوران کارکنان کی پارلیمنٹ جانے کی کوشش۔کارکن خاردارتاریں اور رکاوٹیں ہٹا کر ڈی چوک پہنچے گئے۔
امیر جماعت اسلامی سراج الحق کی زیر صدارت مہنگائی کیخلاف مارچ ڈی چوک پہنچ چکا ہے۔ پولیس کی بھاری نفری کو طلب کرلیا گیا ہے۔ سراج الحق نے دھرنے کے شرکا سے خطاب کرتے ہوئے کہا کہ حکومت نےبائیس کروڑ عوام کو دھوکا دیا، روز نئی ویڈیولیکس دیکھتےہیں، ملک میں حقیقی نظام چاہتے ہیں، اس حکومت نے ملک کو مہنگائی کا تحفہ دیا، ہم ملک میں صاف اور شفاف انتخابات چاہتے ہیں۔
مہنگائی کیخلاف جماعت اسلامی کے احتجاج کے دوران ڈی چوک پر کچھ نوجوان رکاوٹیں عبور کر کے پارلیمینٹ ہاؤس کیطرف جانے لگے تو پولیس سے مُڈھ بھیڑ ہو گئی ۔جماعت کے قائدین نے حکم دیا تو گرما گرمی ٹھنڈ میں پگھل گئی۔ سب کنڑول میں ہیں ۔۔#PriceHike #Protest pic.twitter.com/DPf0PlswkF
— Azaz Syed (@AzazSyed) November 28, 2021
ان کا کہنا تھا کہ آج کا نوجوان ملک میں اسلامی نظام چاہتا ہے۔ 74سال سے پارلیمنٹ میں نوجوانوں کی نمائندگی نہیں جبکہ 2023 کے الیکشن میں عوام حکمرانوں کو آئینہ دکھائیں گے۔