سٹی 42 : دنیا میں محبوب کے لیے آسمان سے تارے توڑ کر لانے کی صرف باتیں کی جاتی تھیں لیکن بھارت سے تعلق رکھنے والے ایک شوہر نے بیوی کو چاند پر زمین بطور تحفہ پیش کر دی ۔
تفصیلات کے مطابق بھارت کے شہر اجمیر کے رہائشی دھرمیندر اجینا نے اپنی بیوی سپنا اجینا کو شادی کی سالگرہ پر چاند کی تین ایکڑ زمین تحفہ تن پیش کر دی۔
بھارتی میڈیا سے گفتگو کے دوران شوہر دھرمیندر اجینا کا کہنا تھا کہ 24 نومبر کو شادی کی آٹھویں سالگرہ پر بیوی کے لیے کچھ خاص کرنا چاہتا تھا اسی خواہش کی تکمیل کے لیے چاند پر زمین خرید کر بیوی کے نام کر دی۔
دھرمیندر اجینا کے مطابق دنیا میں بطور تحفہ کاریں اور زیورات تو سب ہی دیتے ہیں لیکن میں نے اپنی بیوی کے لیے کچھ منفرد کرنے کی خواہش میں چاند پر زمین خرید کر اسے تحفے میں دی۔ بھارتی شہری نے امریکی شہر نیویارک میں واقع لونا سوسائٹی انٹرنیشنل فرم کے ذریعے یہ پلاٹ خریدا جس کی خریداری میں انھیں ایک سال کا عرصہ لگا۔دھرمیندر کا کہنا تھا کہ میں خوش ہوں کیونکہ میں راجھستان میں چاند پر زمین خریدنے والا پہلا شوہر ہوں۔
یادرہے کہ اس سے قبل راولپنڈی سے تعلق رکھنے والے صہیب بھی بیوی چاند پر ایک ایکڑ زمین بطور تحفہ پیش کر چکے ہیں۔