(ویب ڈیسک) ڈرامہ انڈسٹری کے اداکار عنایت خان نے سادگی سے شادی کر کے مثال قائم کردی۔
تفصیلات کے مطابق اداکار عنایت خان نے اپنی شادی کی ایک تصویر شیئر کرتے ہوئے مداحوں کو اپنے رشتۂ ازدواج میں منسلک ہونے سے متعلق بتایا۔ انسٹاگرام پر ایک تصویر شیئر کرتے ہوئے انہوں نے کہا کہ شادی سادگی سے اور بِنا جہیز لیے بھی ہوسکتی ہے۔
View this post on Instagram
اداکار نے اچانک شادی کے اعلان کے ساتھ یہ وضاحت بھی کی کہ وہ اپنی شادی کا اعلان محرم کے احترام میں دیر سے کر رہےہیں،مداحوں کی بڑی تعداد عنایت خان کی سادگی سے شادی کے اقدام کو سراہتے ہوئے نئی زندگی کی شروعات پر دعائیہ پیغامات شیئر کر رہے ہیں.
واضح رہے کہ عنایت خان نے ریشم گلی کی حُسنہ، عشق ذات، دل لگی و دیگر ڈراموں میں اپنی اداکاری کے جوہر دکھائے۔