سٹی42:   کینیڈا کے مغربی صوبے برٹش کولمبیا کے دارالحکومت وینکوور میں فلپائنی اسٹریٹ فیسٹیول کے دوران ایک جنونی نے اپنی کار میلے میں آئے ہوئے غیر ملکی تارکین وطن پر چھرھا دی۔ کار  ہجوم پر چڑھ جانے کے نتیجے میں کئی افراد ہلاک اور متعدد زخمی ہو گئے۔
پولیس نے بتایا کہ ڈرائیور کو حراست میں لے لیا گیا ہے اور اس کی شناخت ابھی عام نہیں کی گئی ہے۔
کار ریمنگ کا یہ جونی واقعہ وینکوور شہر میں مشرقی 41 ویں ایونیو اور فریزر اسٹریٹ کے قریب شام 8 بجے (Pakistan 8 am/ 03:00 GMT) کے فوراً بعد پیش آیا، کینیڈا کے عام انتخابات میں ووٹ ڈالنے سے ایک دن پہلے اس جگہ پر لاپو لاپو ڈے کے نام سے مشہور تہوار کے لیے لوگ جمع تھے۔ کار کے نیچے آ کر کچلے گئے لوگ فلپائنی تارکین وطن ہیں۔
کینیڈا کے وزیر اعظم مارک کارنی نے سوشل پلیٹ فارم ایکس پر کہا: "آج شام کے اوائل میں وینکوور میں لاپو لاپو فیسٹیول میں ہونے والے خوفناک واقعات کے بارے میں سن کر میں بہت افسردہ ہوں۔" برٹش کولمبیا کے پریمیئر ڈیوڈ ایبی نے کہا کہ وہ X پر ایک پوسٹ میں اس خبر سے "حیرت زدہ اور دل شکستہ" ہیں۔