(ویب ڈیسک) وزیر خارجہ بلاول بھٹو اور وزیر مملکت برائے خارجہ امور حنا ربانی کھر چینی سفارتخانے پہنچے ، اس موقع پر دونوں رہنماؤں نے کراچی دھماکے میں قیمتی جانوں کے ضیاع پر افسوس کا اظہار اور مہمانوں کی کتاب میں تاثرات قلمبند کئے۔
چینی سفارت خانہ آمد کے موقع پر وزیر خارجہ بلاول بھٹو نے جانی نقصان پر چینی حکام سے افسوس کا اظہار کرتے ہوئے کہا کہ پاکستان اور چین کا رشتہ نسل در نسل وفاؤں کا ایک سلسلہ ہے، دہشت گردوں نے پاک چین دوستی کی اساس پر ضرب لگانے کی ایک ناکام کوشش کی، دہشت گردوں کے مذموم ارادے، پاک چین دوستی کو سبوتاژنہیں کرسکتے۔
پاکستان پیپلزپارٹی کے چیئرمین و وزیر خارجہ بلاول بھٹو زرداری کی چینی سفارت خانہ آمد@BBhuttoZardari pic.twitter.com/rzBzZ3BVTm
— PPP (@MediaCellPPP) April 27, 2022
وزیر خارجہ بلاول بھٹو زرداری اور حنا ربانی کھر نے چینی سفارت خانے میں مہمانوں کی کتاب میں اپنے تاثرات بھی قلمبند کئے۔