بلاول بھٹو کی واشنگٹن میں اہم امریکی شخصیت سے ملاقات

بلاول بھٹو کی واشنگٹن میں اہم امریکی شخصیت سے ملاقات
سورس: Google
Stay tuned with 24 News HD Android App
Get it on Google Play

ویب ڈیسک :وزیر خارجہ پاکستان بلاول بھٹو زرداری نے اپنے امریکی دورے کے دوران واشنگٹن میں اہم امریکی شخصیت سے ملاقات کی ہے۔ 

وزیرخارجہ نے واشنگٹن میں امریکی نمائندہ خصوصی برائے تجارتی و کاروباری امور دلاور سید سے ملاقات کی جس میں سیلاب کی صورتحال، امریکہ کی جانب سے فراہم کردہ معاونت اور پاک امریکہ تجارتی تعلقات کے فروغ پر بات چیت ہوئی۔

امریکی نمائندہ خصوصی نے سیلاب کی تباہ کاریوں پر افسوس اور دکھ کا اظہار کیا، ملاقات میں وزیر مملکت حنا ربانی کھر بھی موجودتھیں۔

واضح رہے کہ وزیرخارجہ بلاول بھٹو اپنے امریکی دورے پر واشنگٹن میں موجود ہیں جہاں وہ ارکان کانگریس وسینیٹرز سے ملاقات کریں گے۔

اپنے دورے کے دوران وزیرخارجہ بلاول بھٹو معروف امریکی تھنک ٹینکس اورمیڈیا سے بھی گفتگو کریں گے۔