ویب ڈیسک :موسم گرما کی تعطیلات کے دوران وادی کاغان میں سیاحوں کی آمد کا نیا ریکارڈقائم ہوگیا۔
خیبر پختونخوا کلچر اینڈ ٹورازم اتھارٹی کے جاری کردہ اعداد و شمار کے مطابق گزشتہ روز وادی کاغان میں ایک لاکھ 9 ہزار سے زائد سیاح داخل ہوئے جن میں 30 غیر ملکی سیاح بھی شامل تھے۔
سیاحوں کی بڑھتی ہوئی تعداد کے پیش نظر کاغان ڈویلپمنٹ اتھارٹی کا سٹاف سیاحوں کو سہولت اور رہنمائی کیلئے مختلف مقامات پر موجود ہے۔
کے ڈی اے انتظامیہ نے آنے والے سیاحوں سے اپیل کی ہے کہ وہ دریائے کنہار سمیت ندی نالوں سے دور رہیں اوروادی کے قدرتی حسن کے تحفظ کیلئے گندگی پھیلانے سے اجتناب کرتے ہوئے ذمہ داری کاثبوت دیں۔