وقاص احمد : سٹی ٹریفک پولیس نے یوم عاشور کےلئے ٹریفک انتظامات مکمل کر لئے، یوم عاشورہ پر 3 ہزار سے زائد وارڈن تعینات ہونگے.

سی ٹی او لاہور نے سرکل افسران کو جلوسوں کے روٹس، پارکنگ و ڈائیورشن پوائنٹس کا ازسرنو جائزہ لینے کی ہدایات کی ۔مسنتنصرفیروز کا کہنا ہے دسویں محرم الحرام تک 4 ہزار سے زائد مجالس اور مختلف علاقوں سے 94 جلوس برآمد ہونگے۔مجالس اور جلوسوں میں عزاداروں کی آمدو رفت کےلئے ٹریفک کے بہترین انتظامات ہونگے۔سی ٹی او لاہور کے مطابق ڈویژنل افسران کی نگرانی میں 125 انسپکٹرز اور 3ہزار ٹریفک اہلکار ڈیوٹی دیں گے۔کسی بھی ناگہانی صورتحال میں ایمرجنسی گاڑیوں کےلئے فوری راستہ کلیئر رکھا جائے گا۔