ویب ڈیسک : ملک میں گندم کی قیمت میں 300 روپے فی من اضافہ کر دیا گیا ہے، جس سے آٹے کی قیمتوں میں مزید اضافے کا امکان ہے۔

مارکیٹ ذرائع کے مطابق گندم کی قیمت 2 ہزار 8 سو روپے سے بڑھا کر 3 ہزار ایک سو روپے کردی گئی۔ 

چیئرمین پاکستان فلورملز ایسوسی ایشن عاصم رضا کا کہنا ہے کہ حکومت گندم کی قیمت پر کنٹرول نہیں کرسکی، پنجاب حکومت نے اسے ڈی ریگولیٹ کر رکھا ہے۔

اُنہوں نے مزید کہا کہ آئندہ چند روز میں آٹے کی قیمت بھی بڑھنے کا امکان ہے، گندم کی قیمت میں اضافے کا بغور جائزہ لے رہے ہیں۔