(علی ساہی)اب خواتین ملازمین بھی جیلر،اے آئی جی اور ڈی آئی جی بنیں گی، جیلوں میں کام کرنے والی 63 خواتین کی ہیڈ وارڈرز کے عہدے پر ترقی، آئی جی جیل نے بیجز لگائے۔
تفصیلات کے مطابق جیلوں میں تعینات خواتین اہلکاروں کو پہلی بار اگلے عہدے پر ترقی دیدی گئی،ترقی پانے والی لیڈی اہلکاروں کیلئے کیمپ جیل میں تقریب کا انعقاد کیا گیا، لاہور سمیت پنجاب بھرسےخواتین ملازمین نےشرکت کی۔
آئی جی جیل مرزاشاہد سلیم بیگ نے خطاب میں کہا خواتین کے لئے پہلی بار سروس سٹرکچر تیار کرکے ترقیوں کا عمل شروع کیا گیا ہے، آنے والے دنوں گزٹڈ افسران کو بھی اگلے عہدوں پر ترقیاں دی جائیں گی ۔