فرحان اعجاز :  جنرل سیکرٹری پاکستان مسلم لیگ ن کے سینئر رہنما پروفیسر احسن اقبال نے حلقہ پی پی 54 ظفروال سے کاغذات نامزدگی جمع کروادئیے، احسن اقبال حلقہ پی پی 54 ظفروال سے صوبائی اسمبلی کا الیکشن لڑیں گیں.

 آر او آفس ظفروال کے باہر احسن اقبال نے میڈیا سے گفتگو کرتے ہوئے کہا کہ ظفروال کی عوام کا شکریہ، عوامی رد عمل سے بہت خوش ہوں، میں سیاست میں بہت پرانا ہوں، ہمارا 3 نکاتی ایجنڈہ ہے، نارووال کی3  یونیورسٹیوں میں ہزارواں طالبعلم تعلیم حاصل کررہے ہیں، ظفروال میں 70 سالہ سیاست نے ظفروال کو تباہ کردیا، ظفروال کی دھرتی میری آبائی دھرتی ہے، اسکے نوجوانوں کو بھی حق ہے وہ کامیاب ہوں، اس علاقہ سے جیت کر ظفروال کو ترقی کے راستے پر ہمکنار کریں گیں۔

انہوں نے مزید کہا کہ لوگ اپنے بچوں کے مستقبل کو محفوظ کرنے کیلئے ن لیگ کو ووٹ دیں ، یہاں ہم تعلیم، ترقی اور امن کا پیغام لے کر آئیں ہیں، ضلع نارووال کے تمام ممبران اسمبلی جماعت کا ساتھ چھوڑ گئے تو میں پارٹی کیساتھ کھڑا تھا۔

واضح رہے کہ مسلم لیگی ورکرز کی بڑی تعداد احسن اقبال کے ہمراہ آر او آفس گئی۔ احسن اقبال کے ہمراہ سابقہ ایم پی ایز وسیم بٹ، بلال اکبر اور رمیش سنگھ اروڑہ بھی کاغذاتِ نامزدگی جمع کروانے گئے تھے.