سٹی 42: پاکستانی فلم انڈسٹری کی معروف اداکارہ میرانے اپنی نئی آنے والی فلم ’’ سائیکو‘‘ کی پروموشن کے دوران مداحوں کو اپنی دلچسپ اور نٹ کھٹ اداؤں سے محظوظ کیا۔
اداکارہ میرا درالحکومت اسلام آباد میں فلم کی تشہیری تقریب میں شریک ہوئیں جہاں مداحوں کا جوش و خروش دیدنی تھا۔ اس موقع پر گفتگو کرتے ہوئے انہوں نے کہا کہ فلم ’’ سائیکو‘‘ ایک منفرد کہانی پر مبنی ہے جس میں سنسنی، ڈرامہ اور بھرپور تفریح شامل ہے۔
اداکارہ کا کہنا تھا کہ یہ فلم ان کے دل کے بہت قریب ہے اور شائقین اس میں ان کا بالکل مختلف انداز دیکھیں گے۔ انہوں نے امید ظاہر کی کہ مداح فلم کو بے حد پسند کریں گے۔
تقریب کے دوران میرا کے شوخ انداز، خوشگوار گفتگو اور مداحوں سے بے تکلف ملاقات نے ماحول کو مزید یادگار بنا دیا۔