ویب ڈیسک : لاہور سے اغواء ہونے والی دو بہنوں کو اسلام آباد سے بازیاب کروالیا گیا ، ساتھ ہی اغواء میں ملوث خاتون سمیت تین ملزموں کو بھی گرفتار کرلیا گیا۔
پولیس کے مطابق مبرا اور اریبہ نام کی بہنیں تیرہ نومبر کو سکول سے واپسی پر لاپتہ ہوئیں ، بچیوں کے اغواء کا مقدمہ والد کی مدعیت میں درج کیا گیا ۔
پولیس نے بتایا کہ کلوزسرکٹ فوٹیج کی مدد سے تفتیش کی گئی، جس کے بعد اسلام آباد میں کارروائی کرتے ہوئے دونوں بہنوں کو بازیاب کروالیا گیا۔ پولیس نے ایک خاتون سمیت تین ملزمان کو بھی گرفتار کرلیا، ملزمہ خاتون بچیوں کو ورغلاء کر ساتھ لے کر گئی ۔
پولیس کا کہنا ہے کہ ملزمان سے واردات کے حوالے سے مزید تفتیش جاری ہے۔