سٹی 42 : پنجاب پولیس میں ترقیوں کا سلسلہ جاری ہے، سب انسپکٹر سے انسپکٹر رینک کی خالی سیٹوں کو پر کرنے کیلئے کوائف طلب کرلیے گئے۔ 

جاری کردہ مراسلے کے مطابق ستمبر2017تک کنفرم سب انسپکٹرز کا ریکارڈ طلب کرلیا گیا۔ تمام آر پی اوز ،ڈی پی اوز متعلقہ سب انسپکٹر کے کوائف آج بھجوا دیں۔ اس کے علاوہ متعلقہ سب انسپکٹرز کیخلاف انکوائریز، سزاؤں ، تعیناتی کا مکمل ریکارڈ دینے کی ہدایت کردی گئی۔ 

جاری کردہ مراسلے میں کہا گیا ہے کہ دوسرے ضلع یا رینج میں تعینات اہلکاروں کا بھی تفصیلی ریکارڈ فراہم کیا جائے۔ 

سب انسپکٹر سے انسپکٹر رینک پر ترقیاتی کمیٹی کا اجلاس فروری کے دوسرے ہفتے متوقع ہے۔ رواں ماہ انسپکٹر سے ڈی ایس پی کے عہدے پر بھی ترقیاتی کمیٹی کا اجلاس ہوگا۔