(عرفان ملک) ٹریفک چالان اب ایزی پیسہ کی مدد سے بھی ادا کیے جا سکیں گے۔ سیف سٹی اتھارٹی اور ٹریفک پولیس نے ایزی پیسہ کے ذریعے چالان جمع کرنے پر ورکنگ شروع کر دی۔
تفصیلات کے مطابق لاہور میں 30 لاکھ سے زائد افراد ایزی پیسہ یا دیگر موبائل سروسز سے پیسوں کی ٹرانزیکشن کرتے ہیں۔ اسی ریکارڈ کو مدنظر رکھتے ہوئے سیف سٹی اتھارٹی اور ٹریفک پولیس کے اکاﺅنٹ پر موبائل سروس کے ذریعے چالان جمع کرنے کا فیصلہ کیا گیا۔
سی ٹی او ملک لیاقت کا کہنا ہے کہ اب شہریوں کو چالان جمع کرانے کے لیے بینک میں نہیں جانا پڑے گا۔ آئندہ چند روز میں چالان موبائل سروس کا آغاز کر دیا جائے گا۔