(زین مدنی )پاکستان کے نامورفنکار MeAt20 کا چیلنج قبول کرتے ہوئے اپنی 20 سال کی عمر کی تصاویر سوشل میڈیا پر شیئر کرنے لگے۔
گزشتہ کچھ دِنوں سے سوشل میڈیا پر ایک چیلنج چل رہا ہے جس میں صارفین اپنی 20 سال کی عمر کی تصاویر سوشل میڈیا پر شیئر کررہے ہیں اِس چیلنج کا نام MeAt20 ہے اور دیگر صارفین کی طرح اب پاکستان کے نامور فنکار بھی اِس چیلنج کو قبول کرتے ہوئے اپنی 20 برس کی عمر کی تصاویر اپنے سوشل میڈیا اکاونٹ پر شیئر کرتے نظر آرہے ہیں۔
پاکستان کے معروف گلوکار علی ظفر نے انسٹاگرام پر اپنی 20 سال کی عمر کی تصویر شیئر کرتے ہوئے لکھا کہ مجھے یاد ہے کہ جب میں 20 سال کا تھا اور میں روزانہ 16 سے 18 گھنٹے خطاطی کرتا تھا، اس وقت میں نے اپنی فیملی کی مدد سے 4 سے 5 لاکھ روپے جمع کرکے اپنا پہلا ایلبم جاری کیا تھا۔علی ظفر نے لکھا کہ اِس نے پانچ سال لیے تھے اور میں نے اپنا گانا چھنو اور حقا پانی ریلیز کیا تھا، میں وہ وقت کبھی نہیں بھول سکتا۔
پاکستانی ٹی وی اور ڈراما انڈسٹری کے نامور اداکار اعجاز اسلم نے مائیکرو بلاگنگ سائٹ ٹوئٹر پر اپنی 20 سال کی عمر کی تصویر شیئر کرتے ہوئے لکھا کہ بالآخر مجھے میری 20 برس کی تصویر مل ہی گئی۔اعجاز اسلم نے لکھا کہ اگر مجھے اِس کےعلاوہ بھی دیگر تصاویر ملیں تو میں سوشل میڈیا پر ضرور شیئر کروں گا۔
Here it comes .... I finally found a pic when I was 20 years old ... I found a few more will share soon #20yearsold #20yearschallenge #aijazaslam #modellingdays #begining #throwback #majorthrowback pic.twitter.com/ivOBev6Qhd
— aijaz aslam (@aijazz7) April 19, 2020
نامور گلوکار و سماجی کارکن شہزاد رائے نے ٹوئٹر پر اپنی 20 سال کی عمر کی تصویر شیئر کرتے ہوئے لکھا کہ کبھی ہم بھی 20 برس کے ہوا کرتے تھے۔
Khusro bhai kabhi hum bhi #MeAt20 thay https://t.co/OdSUwmALsW pic.twitter.com/DU2X5Px2Dc
— Shehzad Roy (@ShehzadRoy) April 17, 2020
ژالے سرحدی نے تصویر اور ویڈیو شیئرنگ ایپ انسٹاگرام پر اپنی ماضی کی تصویر شیئر کرتے ہوئے لکھا کہ یہ اس وقت کی تصویر ہے جب میں نے ماڈلنگ کا آغاز کیا تھا اور یہ میرے پہلے شوٹ کی تصویر ہے۔اداکارہ نے لکھا کہ میں اس وقت 20 برس کی تھی اور میں نے اپنا MeAt20 کا چیلنج پورا کرلیا ہے۔
پاکستان شوبز انڈسٹری کے معروف اداکار ہمایوں سعید نے بھی انسٹاگرام پر اپنی تصویر شیئر کی جس میں اداکار 20 برس کے ہیں۔ہمایوں سعید نے اپنی پوسٹ میں ہیش ٹیگ MeAt20 بھی استعمال کیا۔