(مانیٹرنگ ڈیسک) مقبوضہ کشمیر میں بھارتی فوج کا ہیلی کاپٹر گر کر تباہ ہوگیا حادثے کے نتیجے میں دونوں پائلٹ زخمی ہوگئے۔
بھارتی خبر رساں ادارے ’ انڈیا ٹو ڈے ‘ کی رپور ٹ کے مطابق بھارتی فوج کا ہیلی کاپٹر جموں و کشمیر کے اودھم پور ضلع کے شیو گڑھ دھر میں گر کر تباہ ہو گیا، جس کے نتیجے میں ہیلی کاپٹر میں سوار دو نوں پائلٹ زخمی ہوگئے۔ ڈی آئی جی اودھم پور سلیمان چودھری نے بتایا کہ پولیس کو اطلاع ملنے پر ریسکیو ٹیمیں موقع پر روانہ کردی گئیں جو دو زخمی فوجیوں کو باہر نکالنے میں کامیاب ہوگئی ہیں۔
Two pilots succumbed to their injuries after an Army helicopter force-landed near Patnitop in Udhampur of Jammu and Kashmir.
— Hindustan Times (@htTweets) September 21, 2021
In a statement, the Army said one of the deceased was a captain, while the other one was a major. https://t.co/8ahAPRjr9e pic.twitter.com/ygvGbXQiaP
رپورٹ کے مطابق ابھی تک یہ بات واضح نہیں ہے کہ ہیلی کاپٹر موسم کی خرابی کے باعث گرا ہے یا پائلٹس نے خود گرا یا ہے۔
واضح رہے گزشتہ ماہ 3 اگست کوبھارتی فوج کا ٹو ففٹی فور اے اے ہیلی کاپٹر مقبوضہ کشمیر میں رنجیت ساگر ڈیم کے قریب گر کر تباہ ہوا تھا ، تاہم حادثے میں دونوں پائلٹس محفوظ رہے تھے۔