سٹی 42 : نائب صدر مسلم لیگ ن حمزہ شہباز نے خضدار میں اسکول بس پر دہشتگرد حملے کی شدید مذمت کی ہے ۔
خضدار میں اسکول بس پر دہشتگرد حملے میں بچوں سمیت دیگر شہادتوں پر حمزہ شہباز نے کہا کہ انسانیت سے عاری دہشگردوں نے معصوم بچوں کو نشانہ بنا کر سفاکی کی تمام حدیں پار کی ہیں۔ انہوں نے کہا کہ بچوں اور دیگر افراد کی شہادت المناک ہے۔
حمزہ شہباز نے کہا کہ دہشتگردی کے خلاف ہمارے عزم کو ایسے بزدلانہ اور وحشیانہ عمل سے ٹھیس نہیں پہنچائی جا سکتی۔ انہوں نے کہا کہ غمزدہ خاندانوں کے دکھ میں برابر کے شریک ہیں۔
سٹی 42 : صوبائی وزیر اطلاعات عظمٰی بخاری نے کہا ہے کہ یہ وہی بزدل دشمن کی پراکسیز ہیں جس نے حالیہ پاکستان پر حملہ کر کے منہ کی کھائی، یہ وہی پراکسیز ہیں جو بھارت کے ایما پر بلوچستان اور ملک کے دوسرے علاقوں میں بزدلانہ کاروائی کرتے ہیں۔
صوبائی وزیر اطلاعات عظمٰی بخاری سانحہ خضدار پر ایوان میں خطاب کرتے ہوئے کہا کہ حکومتِ پنجاب، وزیر اعلیٰ پنجاب اور اس ایوان کی طرف سے تعزیت کرتی ہوں ۔ انہوں نے کہا کہ یہ وہ بچے ہیں کہ جو اپنے مستقبل کے لئے سکول جا رہے تھے تو اس وقت ان پر بزدلانہ حملہ کیا گیا۔
عظمٰی بخاری کے مطابق وزیر اعلی پنجاب نے آج وزیر اعلی بلوچستان کو فون کیا ہے، تعزیت کی ہے اور ہر ممکن تعاون فراہم کرنے کی یقین دہانی کروائی ہے۔ انہوں نے کہا کہ آپریشن بنیان مرصوص ختم نہیں ہوا ہے اور اسکو ختم بھی نہیں ہونا چاہیے کیونکہ اس آپریشن کے ذریعے ہی ان پراکسیز کا خاتمہ ہو سکتا ہے۔
آج فیلڈ مارشل عاصم منیر کے اعزاز میں جو تقریب تھی وہ سانحہ خضدار کی وجہ سے منسوخ کی گئی ہے ۔
May 05, 2026
May 05, 2026
سٹی 42 : یونیسیف، اقوام متحدہ کی جانب سے خضدار اسکول بس حملہ کی شدید مذمت کی گئی ہے۔
مذمتی بیان یونیسیف کی چیف آف ایڈوکیسی اینڈ کمیونیکیشنز کیرن ریڈی کی جانب سے جاری کیا گیا، جس کے مطابق یونیسف خضدار، بلوچستان میں اسکول بس پر ہونے والے ہولناک حملے کی شدید مذمت کرتی ہے, اس حملہ میں مبینہ طور پر چار بچے جاں بحق اور درجنوں شدید زخمی ہوئے ۔
ترجمان یونیسیف پاکستان نے کہا کہ یونیسف ان خاندانوں سے دلی تعزیت کرتا ہے جنہوں نے اپنے بچے کھو دیے, یونیسیف تمام متاثرہ افراد کے ساتھ یکجہتی کا اظہار کرتا ہے۔ کسی بھی بچے کے لیے اسکول جانا کبھی بھی خطرناک عمل نہیں ہونا چاہیے, افسوس کی بات ہے کہ پاکستان میں بہت سے بچوں کے لیے یہی تلخ حقیقت بن چکی ہے۔
ترجمان یونیسیف پاکستان نے بتایا کہ آج صبح، بلوچستان کے بچے ایک عام دن کے آغاز کے لیے اسکول جا رہے تھے، لیکن انہیں بے رحمانہ تشدد کا نشانہ بنایا گیا, ان معصوم بچوں کی زندگیاں، خواب اور مستقبل تباہ ہو گئے، خاندان برباد ہو گئے, جو بچے بچ گئے، وہ جسمانی اور جذباتی زخموں کے ساتھ زندگی گزارنے پر مجبور ہوں گے۔
ترجمان یونیسیف پاکستان کے جاری بیان کے مطابق یہ المناک تشدد اور بے معنی تکلیف ختم ہونی چاہیے, بس بہت ہو چکا, بچے کسی بھی صورت میں تشدد کا نشانہ نہیں بننے چاہئیں اور نہ ہی بنائے جا سکتے ہیں ۔
سٹی 42 : پنجاب کی وزیراعلیٰ مریم نواز نے خضدار میں اسکول وین پر دہشت گردوں کےحملے کی شدید مذمت کی ہے۔
وزیر اعلیٰ مریم نواز نے بلوچستان کے وزیر اعلیٰ میر سرفراز بگٹی سےٹیلی فونک رابطہ کیا، انہوں نے خضدار میں اسکول وین پر دہشت گردوں کےحملے کی شدید مذمت کرتے ہوئے وزیراعلیٰ میر سرفراز بگٹی کو مشکل گھڑی میں بھرپور تعاون کی یقین دہانی کرائی ۔
وزیراعلی مریم نواز نے دہشت گردوں کے خلاف اقدامات میں معاونت کی پیش کش کی، اس کے علاوہ افسوسناک سانحے میں زخمی افراد کی علاج میں تعاون کی پیشکش بھی کی۔ مریم نواز نے کہا کہ مشکل گھڑی میں بلوچستان کے بہین بھائیوں کے ساتھ کھڑے ہیں ۔
وزیراعلی مریم نواز نے سوگوار خاندانوں سے اظہار ہمدردی و تعزیت کیا ۔ مریم نواز شریف نے رنج و غم کا اظہار کرتے ہوئے کہا کہ شہید بچوں کے والدین کے دکھ کو محسوس کر سکتی ہوں۔
وزیر اعلیٰ مریم نواز نے زخمیوں کی جلد صحت یابی کے لیے دعا کی۔
May 05, 2026
May 05, 2026
سٹی 42 : امریکی سفیر نٹالی بیکر نے بلوچستان کے ضلع خضدار میں سکول بس پر حملے کی شدید مذمت کی ہے۔
امریکی سفیر نٹالی بیکر نے اپنے بیان میں کہا ہے کہ بلوچستان کے ضلع خضدار میں اسکول بس پر حملہ بے رحمانہ ہے، دہشتگردانہ حملے میں معصوم بچوں کا قتل ناقابل فہم ہے۔ انہوں نے کہا کہ سفاکانہ حملے کی مذمت میں پاکستان کے ساتھ ہیں۔
امریکی سفیر نے کہا کہ دکھ کی اس گھڑی میں متاثرہ خاندانوں کے غم میں برابر کے شریک ہیں، زخمیوں کی جلد صحت یابی کے لیے دعاگو ہیں۔ انہوں نے کہا کہ کسی بچے کو اسکول جاتے ہوئے خوف کا شکار نہیں ہونا چاہیے، ہم پاکستان میں اُن لوگوں کے ساتھ کھڑے ہیں جو اس تشدد کے خاتمے کے لیے کوشاں ہیں۔
واضح رہے کہ بلوچستان کے ضلع خضدار میں ایک اسکول بس کو بھارتی حمایت یافتہ دہشت گردوں نے نشانہ بنایا جس کے نتیجے میں 4 معصوم بچوں سمیت 5 افراد شہید ہو گئے۔شہدا میں چھٹی جماعت کی ثانیہ سومرو، ساتویں جماعت کی حفظہ کوثر اور دسویں جماعت کی عیشا سلیم شامل ہیں، حملے میں متعدد بچے بھی زخمی ہیں جو اسپتال میں زیرعلاج ہیں۔
سیکیورٹی ذرائع کا کہنا ہے کہ پاکستان میں دہشت گردی کے تمام واقعات کے پس پردہ بھارت کا گھناؤنا اور مسخ شدہ چہرہ بے نقاب ہو چکا ہے۔ ذرائع کے مطابق بھارت معصوم شہریوں کو نشانہ بنانے جیسی بزدلانہ کارروائیوں پر اتر آیا ہے۔
سٹی 42 : وزیر اطلاعات عطا تارڑ نےکہا ہے کہ بزدل دشمن نے سکول کے بچوں پر وار کیا، دشمن یہ طاقت اور جرات نہیں رکھتا کہ وہ روایتی جنگ میں کوئی کامیابی حاصل کرسکے کیونکہ اسے شکست فاش ہوئی۔
وزیر اطلاعات عطا تارڑ نے ان خیالات کا اظہار قومی اسمبلی کے اجلاس میں کیا، کہا کہ دشمن کی کوشش ہے کہ بلوچستان اور خیبر پختونخوا میں فتنہ الخوارج کی سپورٹ سے دہشتگردی کرائی جائے۔
پیپلزپارٹی کے رہنما راجہ پرویزاشرف نے اس موقع پر کہا کہ بھارت نے بچوں پر حملہ کرکے جنگ کے اصول بھی پامال کردیے، جنگ کی طرح بھارت کو دہشتگردی میں بھی شکست دیں گے۔
پیپلزپارٹی رکن اسمبلی شازیہ مری نے اسکول بس پر حملہ افسوس ناک قرار دیا، انہوں نے کہا کہ ہمیں بھارت سے جنگ کی طرح دہشتگردی کے خلاف بھی یک زبان ہونا ہے، اگرکوئی دہشتگردی کے خلاف خاموشی اختیار کرے گا تو وہ دشمن کےمقاصد پورا کرے گا۔
وفاقی وزیر طارق فضل چوہدری نے معصوم بچوں کو نشانہ بنانا افسوس ناک قرار دیتے ہوئے اس عزم ظاہر کیا کہ دہشتگردوں سے آہنی ہاتھوں سے نمٹا جائےگا۔
May 05, 2026
May 05, 2026
سٹی 42 : بلوچستان کے وزیراعلیٰ میر سرفراز بگٹی نے کہا ہے کہ یہ پتہ تھا کہ دشمن جنگ کی شکست کی سبکی مٹانے کے لیے بلوچستان کو چن سکتا ہے، ہم ان کے خون کا بدلہ لیں گے، جنہوں نے یہ حرکت کی ہے حکومت اور ریاست ان کو چن چن کر جہنم واصل کرے گی۔
وزیراعلیٰ میر سرفراز بگٹی نے کوئٹہ میں پریس کانفرنس سے گفتگو کرتے ہوئے کہا کہ اس طرح کے واقعے کی ٹھوس انٹیلی جنس معلومات تھیں لیکن معصوم بچوں کو نشانہ بنانے کی توقع نہیں تھی، بچوں کو بےدردی سے شہید اور زخمی کیا گیا، دشمن اتنا گر جائے گا کہ معصوم بچوں کے سافٹ ٹارگٹ چنے گا۔ انہوں نے بتایا کہ خضدار میں دہشت گردی کا نشانہ بننے والی بس میں 44 بچے سوار تھے، خضدار دہشت گرد حملے میں 4 بچوں سمیت 6 افراد شہید ہوئے، شہدا میں بس ڈرائیور اور ہیلپر بھی شامل ہیں۔
میر سرفراز بگٹی نے کہا کہ شدید زخمیوں کو ایئر لفٹ کر کے سی ایم ایچ کوئٹہ منتقل کردیا گیا ہے، ہم ان کے خون کا بدلہ لیں گے۔ جس طرح ٹرین واقعے، نوشکی واقعے میں ملوث دہشت گرد جہنم واصل ہوئے، اس واقعے میں ملوث عناصر کو بھی جہنم واصل کیا جائے گا۔ جنہوں نے یہ حرکت کی ہے حکومت اور ریاست ان کو چن چن کر جہنم واصل کرے گی۔
انہوں نے کہا کہ یہ لوگ بھارت سے پیسے لے کر لوگوں کو نشانہ بناتے ہیں، افغان عبوری حکومت کو یاد دلاتا ہوں کہ آپ کی سرزمین بار بار ہمارے خلاف استعمال ہو رہی ہے، دہشت گرد بھارت کی پراکسی ہیں، دہشت گردی کے خلاف جنگ کو سمجھنے کی کوشش کریں، دہشت گردی اور تشدد کو کوئی اور نام دیا جاتا ہے، اس مائنڈ سیٹ سے نکل آئیں۔
21 May, 2025
21 May, 2025
21 May, 2025
21 May, 2025
21 May, 2025
21 May, 2025