سٹی 42 : ایف آئی اے نے ملک بھر میں ملازمین کی صحت کی اسکریننگ کا عمل شروع کر دیا۔
وفاقی تحقیقاتی ادارے ایف آئی اے کے افسران و ملازمین کی صحت کے سلسلے میں اہم قدم اٹھاتے ہوئے انتظامیہ نے ملک بھر میں اسکریننگ کا عمل شروع کر دیا ہے۔
اس سلسلے میں ایف آئی اے کراچی زون کے افسران و اہلکاروں نے اسکریننگ کا انعقاد کیا، ترجمان نے بتایا کہ اسکریننگ کا مقصد فورس کی صحت و فلاح کو یقینی بنانا ہے، اور پیشہ ورانہ ذمہ داریوں کی انجام دہی کے لیے اہلکاروں کی فٹنس کو برقرار رکھنا ہے۔
ترجمان ایف آئی اے کے مطابق ادارہ اپنے عملے کی فلاح و بہبود کو اوّلین ترجیح دیتا ہے، اور اس کے لیے آئندہ بھی ایسے اقدامات جاری رکھے جائیں گے۔