( زین مدنی ) پاکستان کے نامور اداکار شمعون عباسی، صنم سعید سمیت دیگر فنکار تھائی لینڈ میں پھنسے ہوئے تھے جو کئی دنوں بعد بڑی مشکل سے پاکستان واپس آگئے تاہم وطن واپسی کے بعد بھی ان کی مشکلات میں کوئی کمی نہیں آئی۔
اداکارہ صنم سعید نے سماجی رابطے کی ویب سائٹ ٹوئٹر پر پاکستان واپسی اور قرنطینہ منتقل ہونے کا تجربہ مداحوں کے ساتھ شیئر کیا۔ صنم سعید کے مطابق پاکستان پہنچنے کے بعد تمام مسافروں کو فوری طور پر تنہا کردیا گیا لیکن اس دوران ان سے بھاری رقم کا مطالبہ بھی کیا جارہا ہے۔
اداکارہ نے ٹوئٹ میں بتایا کہ پاکستان واپسی آنے کے لیے صرف ایک طرف کا ٹکٹ ہی ایک لاکھ 11 ہزار روپے کا خریدنا پڑا جبکہ اس کے علاوہ ہوٹل میں ہر کھانے کے لیے ایک ہزار روپے کا مطالبہ کیا جارہا ہے۔
اس کے علاوہ وہ مسافر جو اس ہوٹل میں مقیم ہیں، انہیں پورے ہفتے کے پیسے ایک ساتھ جمع کرانے پر بھی مجبور کیا جارہا ہے اور ہوٹل انتظامیہ کی جانب سے دھمکی بھی دی گئی کہ ایسا نہیں کیا گیا تو ہوٹل فوری طور پر چھوڑ کر جانا ہوگا۔
صنم سعید نے واضح کیا کہ مسافروں کو پہلے یہی کہا گیا تھا کہ ہوٹل میں ان کی رہائش مفت ہوگی۔ اداکارہ نے مزید کہا کہ ہم سمجھتے ہیں کہ حکومت اس وقت ہر ممکن کوشش کررہی ہے کہ اس صورتحال سے صحیح طریقے سے نمٹا جائے۔
البتہ مسافروں کو پہلے سے ہی بتانا چاہیے تھا کہ واپس آنے کے بعد انہیں کس صورتحال کا سامنا کرنا پڑے گا جبکہ سفارت خانوں کو بھی چاہیے تھا کہ وہ مسافروں کو پہلے سے آگاہ کریں تاکہ لوگ ذہنی، جسمانی اور مالی طور پر اس سب کے لیے تیار رہتے۔
- Hotel staff in protective suits checked us in one by one. Long but safe process.
— Sanam Saeed (@sanammodysaeed) April 16, 2020
- Appointed officials in suits patrol the corridors to ensure everyone stays in.
- Food is brought to the doors at PKR 1000 per meal.
- Not tested yet. Been told to wait another 6 days suddenly.
Over all
— Sanam Saeed (@sanammodysaeed) April 16, 2020
- We understand the Govt is doing their best to manage the sitaution. But..
- Stranded travelers need be better informed of what to expect.
- Embassy must clearly state stay options and costs.
- People need to be mentally, physically and financially prepared.