ویب ڈیسک: صدرِ مملکت ڈاکٹر عارف علوی نے منہ کی صحت کے عالمی دن کے حوالے سے ایک بیان میں کہا ہے کہ منہ کی صفائی سے 95 فیصد بیماریوں کی روک تھام کی جا سکتی ہے۔
سماجی رابطے کی ویب سائٹ ٹوئٹر پر جاری کیے گئے ویڈیو پیغام میں ڈاکٹر عارف علوی نے کہا کہ حضور صلی اللّٰہ علیہ وآلہ وسلم منہ اور دانتوں کی صفائی کا کثرت سے اہتمام کرتے تھے۔ صدرِ مملکت نے کہا کہ اسلام میں طہارت یا صفائی کو نصف ایمان قرار دیا گیا ہے، صحیح بخاری میں تقریباً 21 احادیث میں منہ کی صفائی اور مسواک کا ذکر ہے۔
صدر مملکت ڈاکٹر عارف علوی کا منہ کی صحت کے عالمی دن پر قوم کے نام پیغام pic.twitter.com/yUhHnSecLJ
— The President of Pakistan (@PresOfPakistan) March 20, 2023
ڈاکٹر عارف علوی کا کہنا ہے کہ دن میں دو مرتبہ مسواک یا برش سے دانتوں کو اچھی طرح صاف کریں۔انہوں نے کہا کہ سپاری اور چھالیہ منہ کے کینسر کا باعث ہیں، ان سے اجتناب کریں۔