سٹی42: آل پنجاب یونین کونسل سیکرٹریز ایسوسی ایشن (ایپسا) نے 21 جنوری کو کنونشن کے انعقاد کا اعلان کیا ہے۔ کنونشن فائیوسٹار شادی ہال، مون مارکیٹ، گلشن راوی میں منعقد ہوگا جس کی صدارت ایپسا کے صدر سردار عبدالعزیز چانڈیو کریں گے۔

کنونشن میں چیئرمین سجاد حسین علوی بطور مہمان خصوصی شرکت کریں گے جبکہ تمام ڈویژنل، ضلعی اور تحصیل صدور و جنرل سیکرٹریز بھی اس میں شریک ہوں گے۔ اجلاس میں یوسی سیکرٹریز کی اپ گریڈیشن اور سروس اسٹرکچر کے حوالے سے اہم فیصلے متوقع ہیں۔

کنونشن میں شرکت کرنے والوں میں سردار نوح ارشد ڈوگر، رضوان فاروق لودھی، رضوان اللہ چودھری کے علاوہ احمد المیمون رانا، احسان علی بھٹی، میاں عبدالسلام منڈیال بھی شامل ہیں۔ مزید برآں سمیع الدین شاہ، طلعت حمید بھٹہ، ندیم طارق، یاسین بھٹی اور دیگر اہم رہنما بھی شرکت کریں گے۔