ویب ڈیسک: کہتے ہیں کہ جب اللہ آپ کی حفاظت پر ہو تو  کوئی آپ کا کچھ نہیں بگاڑ سکتا۔

سوشل میڈیا پر بعض اوقات ایسی ویڈیوز نظر آتی ہیں جنہیں دیکھ کر ایک بار تو لوگوں کے رونگٹے کھڑے ہوجاتے ہیں۔ ایسا ہی ایک واقعے کی ویڈیو  سوشل میڈیا پر وائرل ہو رہی ہے ، جسے دیکھنے کے بعد ہر کوئی صرف ایک ہی بات کہہ رہا ہے کہ ’’جسے اللہ رکھے اسے کون چکھے ‘‘، سوشل میڈیا پر وائرل ہونے والی ویڈیو میں دیکھا جا سکتا ہے کہ ایک کتا  زیر تعمیر بلڈنگ کی پانچویں منزل پر  گھوم رہا ہے ،معلوم ایسے ہوتا ہے کہ وہ غلطی سے وہاں پہنچا ہے اور اب راستہ تلاش کرنے کی کوشش کر رہا ہے لیکن راستہ نہیں مل رہا ایسی ہی بے دھیانی کے عالم میں کتا پانچویں منزل سے چھلانگ لگا دیتا ہے، کتے کی چھلانگ لگانے پر دیکھنے والوں کی سانس حلق میں اٹک  کر رہ جاتی ہے ، لیکن حیرت کی انتہا اس وقت ہوئی جب کتا پانچویں منزل سے نیچے دیوار سے ٹکرانے اور دھرم سے زمین پر گرنے کے باوجود صحیح سلامت اٹھ کر بھاگنا شروع کر دیتا ہے ۔

 ویڈیو کو اب تک 17 ملین سے زائد بار دیکھا جا چکا ہے، ویڈیو شیئر کرنے والے پیج  نے یہ نہیں بتایا کہ یہ ویڈیو کہاں کی ہے ، لیکن انسانیت کا درد اور جانوروں سے محبت کرنے والے لوگ اس ویڈیو کو خوب شیئر کر رہے ہیں ۔