سٹی42:  انوائرنمنٹل پروٹیکشن ایجنسی کا افسر اپنے دفتر میں بیٹھا کام کر رہا ہے اور نیوز چینل نے اس کے گرفتار ہونے کی خبر نشر کر دی۔

ایک نیوز چینل نے یہ خبر شائع کی  اور  سوشل ویب سائٹس پر بھی  کئی لوگوں نے اس فیک نیوز کو پوسٹ کیا کہ محکمہ ماحولیات کے ڈپٹی ڈائریکٹر شیخوپورہ علی عمران کو کرپشن ثابت ہونے پر لٹن روڈ پولیس نے گرفتار کرلیا ہے۔

اس فیک ثابت ہونے والی "خبر" میں بتایا گیا کہ "حکام کے مطابق جوڈیشل انوائرمنٹ کمیشن نے ڈپٹی ڈائریکٹر کی گرفتاری کا باضابطہ حکم جاری کیا تھا۔" 

یہ بھی بتایا گیا کہ ڈپٹی ڈائریکٹر  علی عمران پر الزام تھا کہ وہ  فیکٹریوں سے مبینہ طور پر رشوت لیتے تھے۔ نیوز چینل نے اپنی فیک خبر میں دعویٰ کیا کہ تفصیلی کارروائی کے بعد کمیشن نے الزامات ثابت ہونے پر ان کی گرفتاری کا حکم دیا جس پر پولیس نے فوری عمل درآمد کرتے ہوئے انہیں حراست میں لے لیا۔

اس فیک خبر کی تشہیر کے بعد شیخوپورہ میں تعینات انوائرمنٹل پروٹیکشن ایجنسی کے ڈپٹی ڈائریکٹر علی عمران نے اپنے دفتر میں بیتھ کر ایک ویڈیو بنائی، جس مین انہوں نے بتایا کہ مین تو آفس مین معمول کے مطابق کام کر رہا ہوں، میری گرفتاری کی کہانی جھوٹی ہے۔ انہوں نے اپنی ویڈیو میں ایگزیکٹ لوکیشن اور ویڈیو ریکارڈ کرنے کا وقت بھی شامل کیا۔