ویب ڈیسک: بھارتی ٹینس اسٹار ثانیہ مرزا اور پاکستانی کرکٹر شعیب ملک کے درمیان علیحدگی کی خبریں گزشتہ کچھ روز سے گردش کررہی ہیں۔

گزشتہ دنوں سے شعیب ملک اور ثانیہ مرزا کے درمیان علیحدگی کی خبریں سامنے آرہی ہیں، لیکن ان تمام افواہوں کے درمیان اس جوڑی کی ایک ساتھ نئی تصاویر سوشل میڈیا پر وائرل ہو گئی ہیں۔سوشل میڈیا پر وائرل تصاویر میں ثانیہ مرزا اور شعیب ملک کے ہمراہ اداکار عدنان صدیقی، ہمایوں سعید اور فہد مصطفیٰ کو بھی دیکھا جاسکتا ہے۔

یہ تصاویر ثانیہ مرزا اور شعیب ملک کے حال ہی میں آنے والے ایک شو کی ہیں جس کا نام ہے دا مرزا ملک شو۔

اس سے قل شعیب ملک اور ثانیہ مرزا نے بھی نئے شو کا  اعلان کیا تھا، لوگوں کا کہنا ہے کہ علیحدگی کی خبریں شعیب اور ثانیہ کا اس شو کے لیے پبلسٹی حاصل کرنے کا طریقہ بھی ہوسکتا ہے۔گزشتہ دنوں شعیب ملک نے اپنی اہلیہ کو سوشل میڈیا پر سالگرہ کی مبارکباد دی تھی لیکن انہوں نے کوئی جواب نہیں دیا تھا۔

تاحال اس جوڑے نے اس معاملے پر خاموشی اختیار کر رکھی ہے۔یاد رہے کہ شعیب ملک اور ثانیہ مرزا کی شادی اپریل 2010 میں ہوئی تھی اور ان کا ایک 4 سالہ بیٹا بھی ہے۔