(ویب ڈیسک)حال ہی میں بھارت کی تامل فلم انڈسٹری کے معروف اداکار وویک دل کا دور پڑنے کی وجہ سے چل بسے تھے، سوشل میڈیا پر یہ خبریں گردش کرنے لگیں کہ بالی ووڈ اداکار وویک اوبرائے عالمی وبا کورونا وائرس کے باعث اس دنیا سے رخصت ہوگئے۔
تفصیلات کے مطابق یہ غلط فہمی نام کی مماثلت کی وجہ سے ہوئی تھی اوربالی ووڈ اداکار وویک اوبرائے نے سوشل میڈیا پر زیرِ گردش اپنی موت کی خبروں کی تردید کرتے ہوئے اپنے ٹوئٹر پیغام میں کہا کہ ’ چنائے کے ہسپتال میں میرے داخل ہونے کی خبریں بالکل جھوٹی ہیں۔
There has been a false news report about me being hospitalised in Chennai,I would like to clarify that I am safe & healthy with my family in Mumbai,but deeply saddened to hear abt the demise of @Actor_Vivek from the Tamil industry. I extend my deepest condolences to his family????
— Vivek Anand Oberoi (@vivekoberoi) April 17, 2021
ٹوئٹر پیغام میں بالی ووڈ اداکار نے کہاکہ میں یہاں واضح کرنا چاہتا ہوں کہ میں ممبئی میں اپنی فیملی کے ہمراہ بالکل صحتمند اور محفوظ ہوں۔انہوں نے کہا کہ تامل اداکار وویک کی اچانک موت کی خبر سن کر بہت دکھ ہوا اور میں اس موقع پر اداکار کی فیملی سے دلی تعزیت کرتا ہوں۔واضح رہے کہ دو روز قبل بھارتی تامل فلم انڈسٹری کے اداکار وویک 59 سال کی عمر میں دل کا دورہ پڑنے کی وجہ سے چل بسے تھے۔
بھارتی میڈیا رپورٹس کے مطابق تامل اداکار وویک کو جمعے کو دل کا دورہ پڑا تھا انہیں چنائے کے ایک ہسپتال میں داخل کیا گیا تھا۔