(ویب ڈیسک)صدر مملکت ڈاکٹر عارف علوی نے 12 ربیع الاوّل کے مبارک موقع پر اپنے پیغام میں کہا ہے کہ ولادتِ رسولﷺ کے مبارک دن پر پوری پاکستانی قوم، ملتِ اسلامیہ کو مبارک باد پیش کرتا ہوں۔
اپنے پیغام میں ان کا کہنا تھا کہ اللّٰہ تعالیٰ نے ہمیں حضرت محمد خاتم النبیینﷺ کا اُمتی ہونے کا شرف بخشا ۔صدر مملکت نے کہا کہ اللّٰہ تعالیٰ نے آپﷺ کو تمام جہانوں کے لیے رحمت بناکر مبعوث فرمایا، حضورﷺ سے محبت ہر مسلمان کے ایمان کا حصہ ہے۔ڈاکٹر عارف علوی کا کہنا تھا کہ آپﷺ نے قبائلی عصبیت و قومیت کے بت کو پاش پاش کیا، ہمیں سرور کائنات، محسن انسانیت اور رحمت العالمین کے راستے پر چلنا ہوگا۔