سٹی42: شہید بینظیر بھٹو کی سالگرہ کی شایانِ شان تقریبات کرنے کے لئے پیپلز پارٹی نے ملک بھر میں تیاریاں تیز کر دیں۔
بی بی نے پاکستان کو گماشتہ ریاست بننے سے بچانے کیلئے دہشتگردوں کے سامنے جھکنے سے انکار کرتے ہوئے 27 دسمبر 2007 کی شام کو اپنی جان وطن کی آن پر نچھاور کر دی تھی۔ وہ زندہ ہوتیں تو اب 72 سال کی ہوتیں۔
بینظیر بھتو شہید عالمِ اسلام کی تمام ریاستوں مین پرائم منسٹر منتخب ہونے والی پہلی خاتون تھیں۔ انہوں نے زندگی کی ابتدا ہی میں قیادت کا کردار اپنا لیا تھا، سٹوڈنٹ ایج میں وہ انگلینڈ کی کیمبرج یونی ورسٹی میں سٹوڈنٹ لیڈر بنیں، والد کو جیل میں قید کئے جانے کے بعد انہوں نے نوجوانی مین ہی ڈکٹیٹر کے خلاف جمہوریت کی بحالی کی جدوجہد سے عملی سیاست آغاز کی اور زندگی بھر پاکستان کو پائیدار جمہوری ریاست اور معاشرہ بنانے کے لئے جدوجہد کرتی رہیں۔ شہید بی بی کی جدوجہد سے پاکستان میں 1988 مین جمہوریت بحال ہوئی تھی، ان کی جدوجہد سے ہی پاکستان کو دفاع ِ وطن کو ناقابل شکست بنانے کے لئے میزائل پروگرام کو ترقی یافتہ ملکوں کے برابر لانے میں کامیابی حاصل ہوئی تھی، انہی کی جدوجہد سے پاکستان کا نیوکلئیر پروگرام کسی بیرونی دباؤ کے آگے جھکے بغیر کامیابی سے آگے بڑھتا رہا تھا۔
شہید بی بی نے پاکستان میں لڑکیوں اور خواتین کو معاشرہ میں بہتر مقام دلوانے کے لئے دور رس پالیسی اقدامات کئے، یہ ان کے اقدامات کا پھل ہے کہ آج پاکستان کی تمام عورتیں زیادہ بہتر زندگیاں گزار رہی ہیں۔
شہید بینظیر بھتو کو ہم سے جدا ہوئے 18 سال وہ گئے ہین لیکن پاکستان پیپلز پارٹی کے کارکن ان کی یادوں کی روشنی اپنی زندگیوں مین کبھی کم نہیں ہونے دیتے۔
شہید بینظیر بھٹو کی سالگرہ پر پاکستان پیپلز پارٹی نے ملک بھر میں ہر سال کی طرح اس 21 جون کو بھی خاص تقریبات کرنے کا اہتمام کیا ہے جن میں پیپلز پارٹی کی خواتین، مرد، سٹوڈنٹس اور مزدور کارکن جمع ہو کر کیک کاٹین گے اور بی بی کی یادوں کو تازہ کریں گے۔
پاکستان پیپلز پارٹی نے پارٹی سطح پر صوبائی اور ضلعی دفاتر میں سالگرہ تقریبات کا انعقاد کرنے کا اہتمام کیا ہے لیکن سالگرہ کی سینکڑوں تقریبیں کارکن یر سطح پر خود ہی آرگنائز کر لیتے ہیں۔