سٹی 42 : اسلام آباد کے بلیو ایریا میں ڈرفٹنگ کرنے اور شہریوں کی جان خطرے میں ڈالنے والے ملزمان گرفتار کرلیے گئے، ڈرفٹنگ کے لئے استعمال ہونے والی گاڑیاں بھی تھانے میں بند کر دی گئیں۔
اسلام آباد ٹریفک پولیس اور تھانہ کوہسار کی جانب سے مشترکہ کارروائی کی گئی۔ پولیس کے مطابق ملزمان کے خلاف تھانہ کوہسار میں مقدمہ درج کر لیا گیا۔
چیف ٹریفک آفیسر محمد سرفراز ورک کا کہنا ہے کہ ٹریفک کی بلا تعطل روانی کو یقینی بنایا جائے گا۔ انہوں نے خبردار کیا کہ ٹریفک کے بہاؤ میں خلل ڈالنے والوں کے خلاف بھر پور قانونی کارروائی کی جائے گی ۔