سٹی 42 : ڈی سی و ایڈمنسٹریٹر لاہور سید موسی نے کہا ہے کہ بھارتی جارحیت کا پاک افواج نے منہ توڑ جواب دیا ۔
ڈی سی و ایڈمنسٹریٹر لاہور سید موسی رضا نے سٹی 42سے گفتگو کرتے ہوئے کہا کہ پاک افواج نے دشمن کو ناکوں چنے چبوائے، دشمن ہمارے ملک کو میلی آنکھ سے دیکھے یہ کسی صورت برداشت نہیں ۔ انہوں نے کہاکہ بھارتی جارحیت کا پاک افواج نے منہ توڑ جواب دیا ۔
ڈی سی سید موسیٰ رضا نے کہا کہ ہمارے جوان ملک و قوم کی حفاظت کے لیئے جان نچھاور کرتے ہیں، ملکی بقا کیلئے جان دینے والےشہید ، غازیوں کو سلام پیش کرتے ہیں۔
سٹی 42 : پنجاب کے گورنر سردار سلیم حیدر نے کہا ہے کہ آج پوری قوم یومِ تشکر منا رہی ہے، میں فوج کو خراج تحسین پیش کرتا ہوں۔
گورنر سردار سلیم حیدر نے یومِ تشکر کے موقع پر مزارِ اقبال کا دورہ کیا، جہاں انہوں نے میڈیا سے گفتگو کرتے ہوئے کہا کہ بھارت کے پاس وسائل ہم سے زیادہ ہیں لیکن پھر بھی ایمان کی طاقت سے ہم نے شکست د۔ انہوں نے کہا کہ ہم کبھی جنگ نہیں چاہتے ہم پُر امن لوگ ہیں۔
سردار سلیم حیدر نے کہا کہ آج کا بڑا عظیم دن ہے اللّٰہ نے ایک بہت بڑی فتح دی۔ افواجِ پاکستان نے پوری قوم کا سر فخر سے بلند کر دیا۔
May 05, 2026
May 05, 2026
ویب ڈیسک : سندھ کے گورنر کامران خان ٹیسوری نے کہا ہے کہ آج ہمارے پاسپورٹ کی ویلیو میں اضافہ ہوگیا ہے، کلمہ کے نام پر بننے والے پاکستان میں ہم سب ایک قوم ہیں کوئی اختلاف نہیں ہے۔
گورنر سندھ نے یوم تشکر کے موقع پر ایم کیو ایم کے اراکین اسمبلی کے ہمراہ مزار قائد پر حاضری دی۔ انہوں نے اس موقع پر میڈیا سے گفتگو کرتے ہوئے کہا کہ دشمن نے رات اندھیرے میں جنگ مسلط کی اور ختم اللہ نے ہماری مرضی سے کی۔ کامران خان ٹیسوری نے کہا کہ بھارت یہ سمجھ بیٹھا تھا کہ پاکستان انتشار کا شکار ہے، ایک سیاسی جماعت پی ٹی آئی نے پورے دو سال افواج پاکستان کو رسوا کرایا، کچھ لوگ بیرونی سازش میں شامل ہوگئے اور انکا ساتھ دیا، ہماری افواج نے منہ توڑ جواب دے کر دنیا کو بتا دیا پاکستان محفوظ ہاتھوں میں ہے۔
سندھ کے گورنر نے کہا کہ بھارتی جارحیت کیخلاف تمام سیاسی جماعتوں نے بھارت کو ایک ہی جواب دیا، کلمہ کے نام پر بننے والے پاکستان میں ہم سب ایک قوم ہیں کوئی اختلاف نہیں ہے۔ انہوں نے کہا کہ پاکستان نے کبھی بھی امن اور صبر کا دامن نہیں چھوڑا، ہم امن پسند لوگ ہیں کبھی بھی جنگ نہیں چاہتے، میرے شہر میں بمبئی بیکری دہلی ربڑی بھی ہے لیکن یہاں کسی کی دکان کو آگ نہیں لگائی گئی۔
گورنر کامران خان ٹیسوری نے کہا کہ پوری قوم کہہ سکتی ہے کہ وہ کارکنان جو 9 مئی کی سازش میں بے گناہ تھے انہیں عام معافی دے دیں۔
ویب ڈیسک : سندھ کے وزیراعلیٰ کی جانب سے بھارتی بزدلانہ جارحیت کے نتیجے میں شہید ہونے والوں کے ورثاء کیلئے ایک کروڑ اور زخمیوں کیلئے 10 لاکھ روپے فی کس امداد کا اعلان کیا گیا ہے۔
آپریشن بنیان مرصوص میں کامیابی پر یوم تشکر کے حوالے سے سندھ سیکریٹریٹ میں پرچم کشائی کی تقریب ہوئی۔ پروقار تقریب میں وزیراعلیٰ سندھ مراد علی شاہ نے پرچم کشائی کی۔ صوبائی وزرا، مشیران، معاونین خصوصی، چیف سیکریٹری و دیگر افسران بھی تقریب میں شریک ہوئے۔
وزیراعلیٰ سندھ نے اس موقع پر بھارتی بزدلانہ جارحیت کے نتیجے میں شہید ہونے والوں کے ورثاء کیلئے ایک کروڑ اور زخمیوں کیلئے 10 لاکھ روپے فی کس امداد کا اعلان کردیا۔
وزیراعلیٰ مراد علی شاہ نے تقریب سے خطاب کرتے ہوئے کہا کہ ہمارے جوانوں نے بھارتی جارحیت کا منہ توڑ جواب دیا، مادرِ وطن کا دفاع ہر پاکستانی کا اولین فریضہ ہے اور وطن کی عزت پر کوئی سمجھوتا نہیں ہوگا۔
انہوں نے سندھ کے عوام کو مبارکباد دیتے ہوئے کہا کہ وہ یوم تشکر منائیں اور شہدا کیلئے دعا کریں، اللّٰہ تعالیٰ نے جو فتح ہمیں دی ہے اس کامیابی کو ملک کی بہتری کے لیے استعمال کریں۔
May 05, 2026
16 May, 2025
16 May, 2025
16 May, 2025