ویب ڈیسک : مریم نواز نے وزیر داخلہ سے کہا ہے کہ وہ ہر صورت عمران خان سے ثبوت حاصل کریں۔ دوسری جانب وزیر داخلہ نے پیش کش کی ہے کہ اگر سابق وزیر اعظم چاہیں تو اس معاملے پر جوڈیشل کمیشن بنایا جا سکتا ہے۔
رانا صاحب!عمران خان سے قتل کی سازش کے ویڈیو ثبوت لیے بغیر اسکو چھوڑنا مت تاکہ اسکے نئے شوشے اور جھوٹ کو ایکسپوز کیا جائے۔ سیکیورٹی دیں مگر قوم کے مجرم اور سب سے بڑے فتنے کو اسکی اوقات سے باہر مت کریں۔ 4 سال میں عوام کے پیسے پر پروٹوکول کی جو لت اسکو لگ گئی ہے وہ وہی مانگ رہا ہے!
— Maryam Nawaz Sharif (@MaryamNSharif) May 16, 2022
رپورٹ کے مطابق وزیر داخلہ رانا ثنا اللہ نے پیشکش کی ہے کہ اگر سابق وزیراعظم عمران خان چاہیں تو ان کی جان کو خطرے کے معاملے پر جوڈیشل کمیشن قائم کیا جا سکتا ہے۔انہوں نے کہا کہ اگر عمران خان کے پاس اس حوالے سے کوئی ٹھوس ثبوت ہے تو فوراً وزارت داخلہ سے شیئر کریں۔ حکومت اس معاملے کی مکمل تحقیقات کروانے کے لیے تیار ہے۔ان کا مزید کہنا تھا: ’جوڈیشل کمیشن عمران خان کے فراہم کردہ شواہد اور معلومات کا جائزہ لے کر آزادانہ فیصلہ دے سکتا ہے۔ وفاقی وزیرداخلہ رانا ثنا اللہ کے مطابق اگرعمران خان معلومات فراہم نہیں کرتے تو امریکی سازش کے بیانیے کو ایک پولیٹیکل سٹنٹ تصور کیا جائے گا۔ سابق وزیراعظم عمران خان امریکی سازش کی طرح اب مسلسل اپنی جان کو خطرے کا بیانیہ بنا رہے ہیں۔